Беларус Аляксей Протас устанавіў чарговае дасягненне

• 1.04.2025, 16:39

Ён толькі 4-ы гулец у гісторыі НХЛ з такой колькасцю галоў.

31 сакавіка ў рамках рэгулярнага чэмпіянату Нацыянальнай хакейнай лігі (НХЛ) "Вашынгтон Кэпіталз" дома саступіў "Бафала Сэйбрз" (5:8), паведамляе belarushockey.com.

У сталічнай каманды голам у меншасці вызначыўся 24-гадовы беларускі форвард Аляксей Протас.

Ён стаў чацвёртым гульцом у гісторыі НХЛ, які дасягнуў адзнакі 30 галоў за сезон, але не закінуў пры гэтым ніводнай шайбы ў большасці.

Раней такое ўдавалася толькі Брэндону Хейгэлу (2024-25), Дугу Смэйлу (1984-85) і Рыку Кіхоў (1972-73).

У сезоне ў Протаса 73 гульні, 65 (30+35) балаў, паказчык карыснасці "+40", 18 хвілін штрафу.