«Філадэльфія» выправіла беларускага брамніка Коласава ў АХЛ

• 7.03.2025, 20:39

Афіцыйна.

23-гадовы беларускі галкіпер «Філадэльфіі» Аляксей Коласаў камандзіраваны ў «Ліхай-Вэлі», які выступае ў Амерыканскай хакейнай лігі (АХЛ).

Пра гэта паведаміла клубная прэс-служба.

У 7 матчах гэтага сезону АХЛ Коласаў атрымаў 2 перамогі, адбіў 87,4% кідкоў пры сярэдняй прапускальнасці 3,59 шайбы за гульню. У ягоным актыве ёсць адна дзейсная перадача.

У НХЛ у беларуса 15 гульняў, 4 перамогі, адсотак адбітых кідкоў – 87,0%, каэфіцыент надзейнасці – 3,45.