Кароль Брытаніі вяртаецца да выканання абавязкаў

• 31.03.2025, 16:20

Чарльз III на мінулым тыдні патрапіў у лякарню.

Кароль Вялікабрытаніі Чарльз III на гэтым тыдні вяртаецца да выканання дзяржаўных абавязкаў пасля таго, як на мінулым тыдні ён ненадоўга патрапіў у лякарню праз пабочныя эфекты ад лячэння рака.

Пра гэта паведаміла агенцтва Reuters са спасылкай на інфармацыю ад інфармаванага суразмоўцы.

76-гадовы кароль Брытаніі праходзіць курс лячэння з таго часу, як у лютым мінулага года ў яго дыягнаставалі рак.

У чацвер, 27 сакавіка, у яго адбыўся, са слоў суразмоўцаў, "невялікі збой у працы", што азначала, што ён быў шпіталізаваны на кароткі перыяд.

З прычыны гэтага ён быў вымушаны скасаваць некаторыя запланаваныя мерапрыемствы ў канцы тыдня.

Са слоў суразмоўцы, пасля выходных у сваім маёнтку Хайграў на захадзе Англіі кароль у панядзелак, 31 сакавіка, накіроўваўся ў Віндзорскі замак, дзе рыхтаваўся да звычайнага працоўнага тыдня.

У той жа час ён дадаў, што некалькі сустрэч былі перанесеныя напярэдадні яго дзяржаўнага візіту ў Італію, які адбудзецца на наступным тыдні.