УСУ ўзялі ў палон двух беларусаў, якія ваявалі за РФ

• 31.03.2025, 13:49

Яны родам з Віцебска.

У палон да байцоў УСУ трапілі яшчэ два беларусы, якія ваявалі на расейскім баку. Відэа з імі з'явілася ў тэлеграм-канале Supernova+ раніцай 31 сакавіка.

На відэа бачна, што абодвум мужчынам заклеілі вочы клейкай стужкай. Адзін з іх гаворыць, што ён родам з Віцебска. Мужчына прызнаецца, што ваяваў за Расею за 200 тысяч расейскіх рублёў (блізу 2350 даляраў).

Пад відэа напісана: «1514... Узялі беларускіх наймітаў з Віцебска... Цыгарэтку падкурваем. Далікатна хамім».