Група расейскіх прапагандыстаў трапіла пад удар дрона

• 30.03.2025, 20:05

Кіроўца і тэлеаператар кантужаныя.

Прапагандысты здымачнай групы «Весткі. Данецк» патрапілі пад удар беспілотніка Узброеных сілаў Украіны ў горадзе Горлаўка Данецкай вобласці, паведамляе тэлеканал у сваім тэлеграм-канале.

«Сёння, блізу 15-й беспілотнік УСУ меў намер атакаваць аўтамабіль, у якім знаходзіліся кіроўца, тэлеаператар і карэспандэнт», – гаворыцца ў паведамленні.

Дрон разарваўся побач, частка аскепкаў патрапіла ў аўтамабіль. Кіроўца і тэлеаператар кантужаныя, цяпер ім прапануецца медыцынская дапамога.