Славенец пабіў рэкорд у скачках на лыжах з трампліна, які трымаўся восем гадоў

• 30.03.2025, 15:40

Двухразовы чэмпіён свету Дамен Прэўц скокнуў на 254,5 м.

Славенец Дамен Прэўц устанавіў новы сусветны рэкорд у скачках на лыжах з трампліна.

На хатнім этапе Кубка свету ў Планіцы 25-гадовы спартовец здзейсніў скачок на 254,5 м. Прэўц пабіў рэкорд аўстрыйца Штэфана Крафта, устаноўлены ў сакавіку 2017 года (253,5 м).

Пры гэтым па суме дзвюх спроб Прэўц заняў на этапе толькі другое месца (475 балаў), уступіўшы Анжэ Ланішаку (482,1). У агульным заліку Кубка свету перамогу атрымаў аўстрыец Даніэль Чафеніг.

Прэўц з'яўляецца двухразовым чэмпіёнам свету 2025 года.

20-гадовая Ніка Прэўц, сястра Дамена, таксама з'яўляецца сусветнай рэкардсменкай па далёкасці скачка на лыжах з трампліна (236 м), рэкорд яна ўстанавіла два тыдні таму. Іх старэйшы брат, 32-гадовы Петэр Прэўц, алімпійскі чэмпіён Пекіна, таксама ў свой час быў уладальнікам сусветнага рэкорду.