Выбух у Луганску: УСУ распляжылі вайсковую базу РФ на заводзе «Трансмаш»

• 29.03.2025, 19:25

Там акупанты рамантавалі вайсковую тэхніку і збіралі дроны.

У ноч на 29 сакавіка ў акупаваным Луганску прагрымела серыя выбухаў, пасля якіх у прамзоне горада ўзнік моцны пажар. Была атакаваная важная вайсковая цэль войска РФ.

Сайт Dialog.UA разбіраўся ў дэталях.

Расейскія прапагандысты па традыцыі абвінавацілі ў пажары «абломкі беспілотнікаў». Яны таксама паведамілі, што гарэлі нейкія «складскія памяшканні» без удакладнення дэталяў.

Пазней удалося высветліць, што гарэў завод «Трансмаш». Гэта пацвердзіў кіраўнік Цэнтра вывучэння акупацыі Пётр Андрушчанка ў Telegram.

«Луганск атрымаў прывітанне за Дняпро. Відавочная розніца - наш удар па заводзе «Трансмаш», дзе расейцы рамантавалі вайсковую тэхніку і збіралі дроны. Без шкоды для цывільных. Дакладна ў цэль. Вось яна - цывілізацыйная розніца», - напісаў ён.