Стала вядомая сума хабару, перададзенага намеснікам начальніка БЧ

• 28.03.2025, 10:03

У доме Пятра Дулуба знайшлі звыш трох мільёнаў даляраў.

Адзін з самых буйных хабараў 2024 года, які быў выяўлены сілавікамі, быў нібыта перададзены першаму намесніку начальніка БЧ Пятру Дулубу. Пра гэта расказаў начальнік Галоўнай управы ў барацьбе з арганізаванай злачыннасцю і карупцыяй МУС Андрэй Ананенка.

Высокапастаўленаму чыноўніку БЧ перадалі 370 тысяч даляраў.

Нагадаем, пра затрыманне Пятра Дулуба ў пачатку чэрвеня 2024 года расказала «Супольнасць чыгуначнікаў Беларусі». Агулам у тайніках кватэры і загараднага дома фігуранта канфіскавана звыш трох мільёнаў даляраў.