У гомельскім аэрапорце праводзіцца двухдзённая «спецыяльная аперацыя»

• 27.03.2025, 20:00

Могуць з'явіцца блокпасты.

У аэрапорце Гомеля з 27 да 28 сакавіка праводзіцца «вучэбная спецыяльная аперацыя», паведаміў Гомельскі аблвыканкам.

«Сцэнарыем вучэнняў прадугледжанае задзейнічанне сілавых установаў і вайсковай тэхнікі. Магчымае абмежаванне руху транспарту, перакрыццё дарог, абсталяванне блокпастоў», – паведамілі ў аблвыканкаме ўвечары 27 сакавіка.

Улады папрасілі «падвысіць пільнасць і неадкладна паведамляць у міліцыю пра ўсе падазроныя прадметы і асобаў праз тэлефон 102 альбо ў найбліжэйшы РАУС».