Экс-брамнік футбольнай каманды Беларусі рэзка выступіў супраць забароны міністра спорту

• 27.03.2025, 14:21

І раскрытыкаваў узровень падрыхтоўкі беларускіх футбалістаў.

Былы галкіпер каманды Генадзь Туміловіч, які правёў за нацыянальную каманду 32 матчы, раскрытыкаваў узровень падрыхтоўкі беларускіх футбалістаў. Ён звязаў гэта з забаронай для нашых клубаў праводзіць спарынгі за мяжой перад пачаткам сезона, паведамляе metaratings.by.

У нядаўнім таварыскім матчы ў Санкт-Пецярбургу барысаўскі БАТЭ моцна саступіў расейскаму "Зеніту" — 0:5.

“У каманды [БАТЭ] разрывы ў лініях такія, калі яны цэнтр поля перайшлі, то ззаду зусім усё дрэнна. Вярнуліся назад - наперадзе нікога. Гэта проста жах. Ззаду прахадны двор. Паспрабавалі гуляць у футбол, але гэтак жа ў футбол не гуляюць. У прэсінг спрабавалі гуляць, так, добра, нядрэнныя спробы ісці ў прэсінг, але гэта быў не прэсінг, гэта было яго абазначэнне. Ніхто нікога не трымае, няма шчыльнасці, даюць прымаць, падумаць, абыгрываць сябе”, - сказаў Туміловіч.

На ягоную думку, разгромная параза - вынік немагчымасці беларускіх клубаў гуляць замежныя матчы перад пачаткам сезона:

— Вяртаемся да тых забарон, да той адсутнасці спарынгаў у перадсезоннай падрыхтоўцы. Гульні г*ўно з г*ўна, можна так сказаць, у Беларусі праводзяцца, дзе ніводнага нармальнага спарынгу каманды правесці не могуць. Гэта вынік, і толькі больш-менш усё добра на ўзроўні каманды, вось і ўсё. Але пакуль добрыя вынікі ва ўсіх каманд і тых жа клубаў толькі ў таварыскіх матчах.

Туміловіч раіць маладым футбалістам "з’язджаць раней" з краіны - нават да 18 гадоў.