Беларусаў просяць адключыць святло

• 27.03.2025, 11:30

Навошта і на які час.

Мінпрыроды прапануе беларусам адключыць святло на некаторы час. І звязана гэта не з эканоміяй ці нейкімі рамонтнымі працамі на электралініях, піша «Точка».

Ведамства прапануе грамадзянам праявіць клопат аб прыродзе.

А зрабіць гэта проста - трэба прыняць удзел у міжнароднай экалагічнай акцыі "Гадзіна Зямлі".

Дастаткова выключыць асвятленне і электрапрыборы з сеткі 29 сакавіка на адну гадзіну - з 20:30 да 21:30. Акцыя пройдзе ў Беларусі 17-м разам.

Маштабы акцыі «Гадзіна Зямлі»

Упершыню акцыю правялі ў аўстралійскім Сіднэі 31 сакавіка 2007 года. На гэты момант акцыя лічыцца адной з самых масавых на планеце - штогод удзельнічаюць звыш 2 млрд чалавек і тысячы прадпрыемстваў з 190 краін свету.

Вядома, кароткачасовае адключэнне электраэнэргіі на адну гадзіну не здольнае кардынальна змяніць экалагічную сітуацыю ў глабальным маштабе.

Аднак сутнасць акцыі «Гадзіна Зямлі» не столькі ў непасрэднай эканоміі рэсурсаў, колькі ў дэманстрацыі салідарнасці людзей перад выклікамі экалагічнага крызісу. Гэта сімвалічны жэст, які паказвае ўсвядомленую гатоўнасць кожнага чалавека ўнесці пасільны ўклад у захаванне нашай планеты.