Беларуска адсудзіла ў дзіцячага летніка 25 тысячаў рублёў

За што?

У чэрвені 2023 года ў дзіцячым аздараўленчым летніку пад Бабруйскам на 13-гадовага хлопчыка ўпала футбольная брама.

Падлеткі па чарзе заскоквалі на перакладзіну брамы, каб падцягнуцца. Пад цяжарам вагі металічная канструкцыя ўпала.

Праз траўмы падлетак перастаў чуць адным вухам, у яго развіліся галавакружэнне, слабасць і стамляльнасць.

Дырэктара і інструктара фізічнай культуры летніка змусілі да крымінальнай адказнасці.

Акрамя гэтага, маці хлопчыка прасіла суд спагнаць з аздараўленчай установы на карысць сына кампенсацыю маральнай шкоды памерам 25000 рублёў.

Нядаўна гэтае патрабаванне было задаволенае ў поўным аб'ёме.

Апошнія навіны