У Менскім тэхнапарку ўзнік пажар

• 25.03.2025, 18:04

Загаранне адбылося ў вентыляцыйнай трубе цэха.

Ратавальнікі 25 сакавіка выязджалі на тушэнне пажару ў цэху Менскага гарадскога тэхнапарку на Партызанскім праспекце. Падрабязнасці паведаміла прэс-служба сталічнага МНС.

Паведамленне пра пажар у МНС атрымалі ў 15:21. Высветлілася, што загаранне адбылося ў вентыляцыйнай трубе цэха.

Пажарныя справіліся з агнём вельмі хутка. Ужо ў 15.34 загаранне было ліквідаванае. Паколькі праз інцыдэнт цэх быў моцна задымлены, давялося правесці вентыляцыю памяшканняў з дапамогай спецыяльнага аўтамабіля дымавыдалення.

Паведамляецца, што праз пажар ніхто не пацярпеў. Прычыны здарэння высвятляюць.