Рабэрта Метсола: Барацьба за свабодную і дэмакратычную Беларусь жывая і моцная

• 25.03.2025, 15:31

Дэпутаты Еўрапарламента павіншавалі беларусаў з Днём Волі.

Дэпутаты Еўрапарламента выказалі салідарнасць з беларусамі, якія "працягваюцца змагацца за дэмакратычную будучыню і свабоду сваёй краіны". Еўрапейскія палітыкі павіншавалі беларусаў з Днём Волі.

«Барацьба за свабодную і дэмакратычную Беларусь жывая і моцная», - заявіла ў відэавіншаванні прэзідэнтка Еўрапарламента Рабэрта Метсола.

25 сакавіка 1918 года ў Менску была абвешчаная дзяржаўная незалежнасць Беларускай Народнай Рэспублікі. Дзень Волі святкуецца беларусамі ва ўсім свеце, а ў РБ ва ўмовах рэпрэсій публічна гэта немагчыма.