З калоніі Віцьба пераводзяць зняволеных

• 25.03.2025, 15:05

Новых вязняў у калонію не прывозяць.

У ПК-3 у Віцьбе будзе часткова закрыта і рэарганізаваная прамысловая зона. У сувязі з гэтым, да канца красавіка блізу 15% вязняў будуць перанакіраваныя ў іншыя калоніі, піша тэлеграм-канал MAYDAY.TEAM.

Паводле інфармацыі праваабаронцаў, з некаторых атрадаў па 10 чалавек ужо этапавалі ў іншыя калоніі, з аналагічным рэжымам. Пры гэтым новых зняволеных у калонію не прывозяць.

Летась у снежні праваабаронцы пісалі аб тым, што ў ПК-3 можа быць цалкам спыненая дрэваапрацоўчая вытворчасць.