З Беларусі ў Расею не прапусцілі буйную партыю груш
- 24.03.2025, 18:25
Заражаную прадукцыю вярнулі беларускаму адпраўніку.
Увоз 20 тон груш, якія везлі з тэрыторыі Беларусі, забаранілі ў Смаленскай вобласці Расеі. Пра гэта расказалі ў Рассельгаснаглядзе.
Грушы выявіліся турэцкага паходжання. Іх везлі ў Смаленск.
Пры правядзенні кантролю і ўліку прадукцыі фітасанітарныя інспектары выявілі, што садавіна заражаная бурай маніліёзнай гнілатой.
У выніку ўсю заражаную прадукцыю вярнулі беларускаму адпраўніку, паведамілі ў расейскім ведамстве.