Трамп пачаў змагацца са сваімі партрэтамі

• 24.03.2025, 11:33

Прэзідэнт ЗША заявіў, што ягоны партрэт у Капітоліі штата Каларада быў "наўмысна скажоны".

Прэзідэнт ЗША Дональд Трамп напісаў у сваёй сацсетцы Truth Social, што ягоны афіцыйны партрэт, які дапоўніў галерэю партрэтаў амерыканскіх прэзідэнтаў у Капітоліі штата Каларада, быў "наўмысна скажоны".

Трамп заявіў, што аўтар гэтай карціны раней напісала "цудоўны" партрэт экс-прэзідэнта Барака Абамы, але "мабыць, страціла свой талент з узростам".

Са слоў Трампа, жыхары Каларада скардзяцца на ягоны партрэт. Прэзідэнт заклікаў губернатара Каларада Джарэда Поліса (якога ён назваў у допісе "радыкальным левым") прыбраць партрэт.