У Менску аўтамабілі проста пасярод дарогі праваліліся ў яму

• 24.03.2025, 11:17

Яна ўтварылася падчас рамонту дарогі.

На вуліцы Розы Люксембург два аўтамабілі праваліліся ў вялікую яму. Высвятляецца, яна ўтварылася падчас рамонту дарогі, піша Onliner.

Аўтар здымка патлумачыў сітуацыю так: «Забудоўнік рамантуе дарогу. Вынік - на фота ніжэй. Праваліліся два аўтамабілі. Учора стаялі два белыя блокі (агароджвалі яму), але, магчыма, вецер зрабіў сваю справу».

«Канкрэтна гэты адцінак вуліцы пачалі рамантаваць на пазаўчарашніх выходных», - дадаў ён.