Аўтобус Менск - Вільня трапіў у ДТЗ

• 23.03.2025, 18:44

Да аварыі прывяло парушэнне пры развароце.

Сёння блізу 12.10 рэйсавы аўтобус Менск — Вільня трапіў у ДТЗ у беларускай сталіцы. Аб здарэнні паведамілі ў ДАІ.

Паводле папярэдняй інфармацыі, 50-гадовы кіроўца аўтобуса «Scania», рухаючыся па вуліцы Маякоўскага, на скрыжаванні з вуліцай Аранжарэйнай пры развароце не пераканаўся ў бяспецы свайго манеўру і не даў перавагу аўтамабілю «Volkswagen», які рухаўся адначасна, у выніку чаго ўчыніў з ім сутыкненне.

У выніку ДТЗ ніхто не пацярпеў, транспартныя сродкі атрымалі механічныя пашкоджанні.