Нямецкая біятланістка ў драматычным стылі стала пераможцай сезона Кубка свету

• 23.03.2025, 18:12

Неймаверная развязка патрапіла на відэа.

Нямецкая біятланістка Францыска Пройс здабыла Кубак свету сезона-2024/25, піша «Зеркало Недели».

31-гадовая немка пасля заключнай гонкі сезона (мас-старт) у Нарвегіі апярэдзіла францужанку Лу Жанмано.

Жанмано лідаравала ў гонцы, але на адным з фінальных паваротаў упала і прапусціла наперад не толькі Францыску Пройс, але і Эльвіру Эберг.

Перамога ў гэтай гонцы магла б прынесці Жанмано трыумф у агульным заліку Кубка свету.

Такім чынам, Пройс упершыню ў кар'еры перамагла ў агульным заліку Кубка свету. Пройс з'яўляецца двухразовай чэмпіёнкай свету, бронзавай прызёркай Алімпійскіх гульняў і чэмпіёнкай Еўропы.