У Варшаве адбыўся марш у гонар Дня Волі

• 23.03.2025, 19:11

Удзельнікі пранеслі па цэнтры польскай сталіцы гіганцкі бел-чырвона-белы сцяг.

У Варшаве ўрачыста адсвяткавалі 107-годдзе з дня абвяшчэння незалежнасці Беларускай народнай рэспублікі. Сёлета святкаванне пастанавілі правесці не толькі ў традыцыйную дату, 25 сакавіка (якая ў 2025 годзе выпадае на аўторак), але і ў папярэднюю нядзелю, 23 сакавіка.

У гонар Дня Волі беларусы пранеслі па варшаўскіх вуліцах уражальны БЧБ-сцяг даўжынёй 330 метраў. Шэсце пачалося на плошчы Трох Крыжоў, адкуль удзельнікі з вялізным бел-чырвона-белым сцягам, які расцягнуўся на 330 метраў, накіраваліся маршам да Замкавай плошчы. Там адбыўся канцэрт, прысвечаны знамянальнай даце.