Украінскія лётчыкі знішчылі пункт кіравання расейцаў у Белгародскай вобласці

• 22.03.2025, 19:45

Ён быў замаскаваны.

У пятніцу, 21 сакавіка, Паветраныя сілы УСУ нанеслі паспяховы ўдар па пункце кіравання расейскай памежнай заставы ў Глотаве Белгародскай вобласці РФ, паведамілі ў Генштабе УСУ.

«Нягледзячы на тое, што расейскія падраздзяленні выкарыстоўвалі ўзмоцненыя меры маскавання, украінскія лётчыкі ліквідавалі аб'ект супраціўніка. У выніку ўдару знішчаныя сродкі сувязі і іншае тэхнічнае абсталяванне», - гаворыцца ў паведамленні.

Акцэнтуецца, што знішчэнне гэтага пункта кіравання істотна аслабляе магчымасці войскаў РФ для вядзення баявых дзеянняў супраць падраздзяленняў Сіл абароны Украіны ў Сумскай і Харкаўскай абласцях.