Беларускім школьнікам дазволяць карыстацца нейрасеткамі на ўроках

• 21.03.2025, 19:17

Новаўвядзенне закране і педагогаў.

У Беларусі рыхтуюць правілы выкарыстання штучнага інтэлекту для настаўнікаў і навучэнцаў.

Плануецца, што іх зацвердзяць ужо да верасня 2025-га, расказаў кіраўнік Мінадукацыі Андрэй Іванец.

«Расставім кропкі над «i», дакладна пазначыўшы, дзе дапушчальнае выкарыстанне нейрасетак, а дзе ад іх варта адмовіцца», – заявіў Іванец.

Са слоў міністра, ведамства зараз працуе з Паркам высокіх тэхналогій.

Ужо ідзе распрацоўка методык выкладання школьных прадметаў з выкарыстаннем тэхналогій штучнага інтэлекту.

Так, настаўнікі змогуць выкарыстоўваць гэты інструмент для падрыхтоўкі навучальных матэрыялаў і правядзення кантрольных.

Іванец паведаміў, што пілотны навучальны блок ужо распрацаваны для настаўнікаў інфарматыкі.

У далейшым плануецца, што падобны падыход да выкладання ўкараняць для замежных моў і прыродазнаўчых дысцыплін. Методычкі акажуцца даступнымі ўсім педагогам.