Прынц Уільям узяў удзел у трэніроўках брытанскіх войск у Эстоніі

• 21.03.2025, 16:20

Перад гэтым ён сустрэўся з украінскімі бежанцамі ў Таліне.

21 сакавіка прынц Валійскі Уільям узяў удзел у вучэннях брытанскіх вайскоўцаў у Эстоніі за 160 кіламетраў ад мяжы з Расеяй. Да гэтага ён сустрэўся з украінскімі бежанцамі ў Таліне.

Аб гэтым піша BBC.

Уільям прыбыў у лагер Тапа, які размешчаны за 160 кіламетраў ад расейскай мяжы, каб даведацца больш пра тое, як брытанскія войскі ўмацоўваюць усходні фланг NATO.

Брытанскія войскі размешчаныя ў Эстоніі і Польшчы ў рамках аперацыі Кабрыт, якая з'яўляецца ўнёскам Вялікай Брытаніі ў намаганні NATO па супрацьдзеянні расейскай агрэсіі ў краінах Балтыі.

Амаль 900 брытанскіх вайскоўцаў увесь час раціруюцца разам з дацкімі, французскімі і эстонскімі сіламі. Цяпер гэта самае вялікае аператыўнае размяшчэнне брытанскага войска за мяжой.

Прынц Валійскі прыбыў у лагер, каб сігналізаваць «аб абавязацельствах Вялікай Брытаніі стрымліваць усякую агрэсію з боку Расеі».