У Беларусі застаўся толькі адзін прыватны дзіцячы садок
- 21.03.2025, 11:16
Кіраўнік Мінадукацыі заявіў, што ў недзяржаўных установах "парушаюць санітарныя нормы".
Толькі адзін прыватны дзіцячы садок застаўся ў Беларусі. Пра гэта ў інтэрв'ю дзяржаўным СМІ заявіў міністр адукацыі Андрэй Іванец.
Ён згадаў садок "Елісеевы палі" ў вёсцы Сеніца Менскага раёна і сказаў, што яго наведваюць блізу 40 выхаванцаў.
Чыноўнік заявіў, быццам прыватнікі парушаюць санітарныя нормы і ставяць пад пагрозу жыццё і бяспеку дзяцей. Таму з імі змагаюцца.
Актыўную барацьбу з прыватнай адукацыяй дзяржава вядзе апошнія некалькі гадоў.