Каманды Украіны і ЗША сустрэнуцца 24 сакавіка

• 20.03.2025, 17:37

Сустрэча пройдзе ў Савудаўскай Арабіі.

Прадстаўнікі ЗША і Украіны сустрэнуцца ў Савудаўскай Арабіі ў панядзелак, 24 сакавіка, каб прадоўжыць каардынацыю крокаў па дасягненні міру.

Пра гэта ў чацвер, 20 сакавіка, паведаміў прэзідэнт Украіны Уладзімір Зяленскі падчас прэс-канферэнцыі з прэм'ерам Нарвегіі.

«На сустрэчы ў панядзелак у Савудаўскай Арабіі...будуць тэхнічныя каманды, я так разумею, структура такая: будзе сустрэча Украіны з Амерыкай, а потым - Амерыкі з Расеяй, або будуць паралельныя сустрэчы ў адной краіне на адну тэматыку», - адзначыў украінскі прэзідэнт.

Раней 19 сакавіка Зяленскі паведаміў, што ўкраінская і амерыканская каманды гатовыя сустрэцца ў Савудаўскай Арабіі ў найбліжэйшыя дні.

15 сакавіка прэзідэнт Украіны Уладзімір Зяленскі загадаў сфармаваць дэлегацыю для супрацоўніцтва з міжнароднымі партнёрамі з мэтай арганізацыі перамоўнага працэсу па дасягненню справядлівага міру.