Спецпасланнік Трампа назваў новыя тэрміны дасягнення замірэння ва Украіне

• 19.03.2025, 18:17

У найбліжэйшыя дні пройдзе сустрэча прадстаўнікоў ЗША і РФ.

Спецпасланнік прэзідэнта ЗША Стыў Уіткаф выказаў упэўненасць, што паўнавартаснае замірэнне ва Украіне можа быць дасягнутае цягам некалькіх тыдняў.

«Перамовы аб усёабдымным спыненні агню будуць праходзіць у найбліжэйшыя дні. Я думаю, што нам удасца дасягнуць пагаднення цягам пары тыдняў», - заявіў ён у інтэрв'ю Bloomberg.

Уіткаф удакладніў, што прадстаўнікі ЗША і Расеі плануюць правесці сустрэчы ў Савудаўскай Арабіі 24 ці 25 сакавіка. На пачатковым этапе перамовы будуць праходзіць на экспертным узроўні, падчас якіх бакі абмяркуюць ключавыя ўмовы спынення баявых дзеянняў.

Тэлефонная размова паміж прэзідэнтам ЗША Дональдам Трампам і Уладзімірам Пуціным Уіткаф, якая адбылася напярэдадні, назвала «эпічным» і накіраваным на дасягненне канкрэтных вынікаў. Пры гэтым ён падкрэсліў, што падчас гутаркі пытанне санкцый не абмяркоўвалася, але не выключыла магчымасці асабістай сустрэчы лідараў дзвюх краін у будучыні.

Тэлефонныя перамовы Трампа і Пуціна адбыліся ўвечары 18 сакавіка. Падчас размовы Пуцін падтрымаў прапанову аб часовым спыненні нападаў на энэргетычную інфраструктуру Украіны і Расеі тэрмінам на 30 дзён. Аднак для дасягнення поўнага замірэння Пуцін выставіў шэраг умоў, у тым ліку спыненне мабілізацыі ва Украіне і адмова Захаду ад далейшага вайсковага садзейнічання Кіеву.

Прэзідэнт Украіны Уладзімір Зяленскі заявіў, што Кіеў падтрымлівае ініцыятыву Трампа аб спыненні ўдараў па энэргетычнай інфраструктуры. Аднак ён падкрэсліў, што Расея фактычна адмовілася ад прапанаванага 30-дзённага рэжыму цішыні і плануе працягваць наступальныя дзеянні, напрыклад, на Запарожскім кірунку, а таксама пад Харкавам і Сумамі.