Украіна вярнула 175 абаронцаў з расейскага палону

• 19.03.2025, 16:53

Абмен адбыўся праз Беларусь.

Украіна і Расея перадалі адзін аднаму па 175 ваеннапалонных. Акрамя таго, у Кіеў вярнуліся 22 цяжкапараненыя вайскоўцы УСУ.

Напярэдадні Пуцін пасля тэлефоннай размовы з прэзідэнтам ЗША Дональдам Трампам абяцаў, што ў рамках «жэсту добрай волі» з боку Масквы ва Украіну будуць адпраўленыя 23 параненыя ўкраінскія вайскоўцы.

У Мінабароны Расеі ўдакладнілі, што расейскія вайскоўцы знаходзяцца ў Беларусі. Там таксама адзначылі ўдзел у арганізацыі абмену ААЭ.