Метэаролагі расказалі, ці чакаць беларусам пацяплення да канца тыдня

• 19.03.2025, 16:06

Арктычны холад яшчэ сябе праявіць.

У Беларусі на найбліжэйшыя дні можа ўстанавіцца пераважна сухое і цёплае надвор'е, абумоўленае ўплывам абласцей высокага атмасфернага ціску, піша «Телеграф». Аднак, як адзначыў ТГ-канал nadvorie, «арктычны холад», які зараз праходзіць над тэрыторыяй Беларусі, можа яшчэ «праявіць сябе», але ўжо ў Афрыцы ці на Блізкім Усходзе.

Паводле інфармацыі гэтага канала, да нядзелі ўключна (23 сакавіка) тэрыторыя Беларусі будзе знаходзіцца пад уплывам антыцыклонаў: спачатку на паўночна-ўсходняй перыферыі аднаго, потым - на заходняй перыферыі іншага. Ападкі гэтымі днямі не чакаюцца. Тэмпература паветра да канца тыдня складзе +6..+9°C на ўсходзе краіны, +10..+13°C на захадзе, а ў Берасцейскай вобласці можа дасягаць +15°C.

Як паведаміў ТГ-канал аб надвор'і ў Беларусі «Метеавайб», 20 сакавіка Беларусь застанецца пад уплывам паўночнай перыферыі антыцыклону «Канстанцін» з цэнтрам над Вугоршчынай. Захаваецца сухое надвор'е, воблачна з прасвятленнямі (на поўначы аблокаў больш, на поўдні - малавоблачна). Уначы і раніцай месцамі на поўначы магчымы туманы. Вецер паўднёва-заходні, сярэдні.

Тэмпература паветра ўначы будзе прыблізна -4..+1°C, удзень +5..+13°C (больш холадна на поўначы).

У Менску чакаецца пераменная воблачнасць, без ападкаў. Тэмпература ўначы -1..-3°C, удзень +9..+11°C.

Паводле звестак Белгідрамета, 20 сакавіка ў Беларусі будзе пераменная воблачнасць. Пераважна без ападкаў. Месцамі слабыя туман і галалёд (уначы і раніцай). Вецер заходні, паўднёва-заходні, сярэдні. Тэмпература ўначы -4..+1°C, удзень +7..+13°C. Атмасферны ціск уначы будзе слаба расці, удзень - падаць.

21 сакавіка чакаецца воблачнае з прасвятленнямі надвор'е. Пераважна без ападкаў. Месцамі слабыя туман і галалёд (уначы і раніцай). Вецер заходняй чвэрці, сярэдні. Тэмпература ўначы -5..+1°C, удзень ад +8°C на поўначы да +16°C на паўднёвым захадзе.

22 сакавіка таксама будзе пахмурна з прасвятленнямі. Пераважна без ападкаў. Месцамі слабыя туман і галалёд (уначы і раніцай). Вецер уначы пераменных кірункаў, удзень усходняй чвэрці, сярэдні, месцамі парывісты. Тэмпература ўначы -5..+2°C (месцамі на паўднёвым захадзе да +4°C), удзень ад +7°C на паўночным усходзе да +15°C на поўдні.