Брытанскіх вайскоўцаў спецыяльнага прызначэння перавялі ў рэжым падвышанай гатоўнасці

• 19.03.2025, 15:40

Іх могуць перакінуць ва Украіну.

Брытанскія вайскоўцы спецыяльнага прызначэння пераведзеныя ў рэжым падвышанай гатоўнасці для магчымай адпраўкі ва Украіну ў рамках міратворчай місіі Вялікабрытаніі, паведамляе выданне The i Paper са спасылкай на вайсковыя крыніцы.

Згодна з дзвюма крыніцамі выдання, падраздзяленням войскаў спецыяльнага прызначэння Брытаніі загадалі рыхтавацца да мабілізацыі ва Украіну.

На мінулым тыдні каманднаму цэнтру вайсковага планавання Вялікабрытаніі былі накіраваныя дырэктывы пачаць працэс падрыхтоўкі персаналу і рэсурсаў, адзначаюць журналісты.

З іх звестак, загады, якія таксама тычыліся рэзервістаў-спецназаўцаў, прадугледжваюць перавод асабовага складу ў рэжым гатоўнасці для забеспячэння спраўнасці вайсковай тэхнікі.