Трамп падтрымаў ідэю Пуціна арганізаваць матчы НХЛ і КХЛ

• 18.03.2025, 21:33

НХЛ у сакавіку 2022 года прыпыніла ўсе кантакты з бізнэс-партнёрамі ў РФ.

Прэзідэнт ЗША Дональд Трамп падтрымаў ідэю расейскага дыктатара Уладзіміра Пуціна арганізаваць матчы паміж Нацыянальнай хакейнай лігай (НХЛ) і Кантынентальнай хакейнай лігай (КХЛ). Пра гэта паведамілі ў Крамлі паводле вынікаў тэлефоннай размовы двух прэзідэнтаў.

«Дональд Трамп падтрымаў ідэю Уладзіміра Пуціна арганізаваць хакейныя матчы ў ЗША і Расеі паміж расейскімі і амерыканскімі гульцамі, якія выступаюць у НХЛ і КХЛ», – гаворыцца ў паведамленні.

НХЛ у сакавіку 2022 года прыпыніла ўсе кантакты з бізнэс-партнёрамі ў Расеі, а таксама працу расейскамоўнага сайта і сацыяльных сетак праз вайну РФ ва Украіне.