У Беларусі выпусцілі каўбасу са смакам хамона

• 17.03.2025, 18:04

Яе вэндзілі на «букавых шчэпках».

Сыравэнджаную каўбасу са смакам хамона выпусціў «Брэсцкі мясакамбінат», паведаміла ў сябе ў Instagram прэс-служба прадпрыемства.

«Любіце хамон? Цяпер гэты смак даступны ў новым фармаце! Сыравэнджаная каўбаса, у якой спалучаюцца адборная свініна, ялавічына і насычаны смак хамона», - паведамілі на «Брэсцкім мясакамбінаце».

Як адзначылі ў прэс-службе, каўбаса мае «глыбокі, яркі саладкавы смак», а вэндзілі яе на «букавых шчэпках».

Хамон (ісп. jamón «кумпяк») - гішпанскі нацыянальны далікатэс, сыравэнджаны свіны кумпяк.