У самалёта «Белавія», які ляцеў з Масквы, адмовіла важная сістэма

• 17.03.2025, 13:14

Камандзір пастанавіў прадоўжыць палёт да Менска.

Уночы 17 сакавіка ў самалёта «Белавія», які вяртаўся з Масквы, адмовіла сістэма папярэджання сутыкнення самалётаў у паветры (TCAS), піша тэлеграм-канал AVIAINCIDENT.

Адмова сістэмы здарылася ў паветры за 75 км на поўдзень ад расейскага Ржэва на вышыні прыкладна на 8 км.

Камандзір пастанавіў прадоўжыць палёт да Менска. Пасадка прайшла ўдала - а 0.35. Дапамога не патрабавалася.