Расея будзе зацягваць перамовы: экспэрт патлумачыў «жадункі» Пуціна

• 17.03.2025, 12:58

Найбліжэйшым часам можа зменшыцца інтэнсіўнасць баявых дзеянняў.

Расейскі дыктатар Уладзімір Пуцін будзе зацягваць перамовы аб спыненні агню, каб захапіць пабольш украінскай тэрыторыі. Пра гэта сказаў дырэктар Defense Express Сяргей Згурэц у эфіры "Эспрэса".

Паводле ягоных слоў, Пуцін паспрабуе зацягнуць усе размовы аб спыненні агню, замітэнні, лічачы, што падыход з выкарыстаннем празмернай колькасці жывой сілы дасць Расеі магчымасць і далей праціскаць абарону Украіны.

“Але зараз інтэнсіўнасць баявых дзеянняў, нягледзячы на тое, што вясна і ўсё пачынае прасыхаць, змяншаецца”, - сказаў Згурэц.

Паводле ягоных слоў, намаганні супраціўніка вакол Пакроўска прыпыненыя. Пры гэтым дадаў, што акупанты, магчыма, актывізуюць баявыя дзеянні ў раёне Тарэцка, дзе таксама зараз прыпыненае прасоўванне праціўніка.

"Сітуацыя ў Тарэцку стала іншай, чым была раней, там шэрая зона, якая не дае ворагу магчымасць прасоўвацца", - сказаў экспэрт.

Таксама адзначыў, што ў Часавым Яры вораг спрабаваў акружыць горад, але яго дзеянні затарможаныя.

“Думаю, што ціск па ўсёй лініі фронту жывой сілай супраціўнік будзе працягваць”, - сказаў Згурэц. Пры гэтым падкрэсліў, што задача Сіл абароны Украіны павялічваць колькасць страт акупантаў.

“Цяпер на першы план выходзіць тупая арыфметыка знішчэння супраціўніка. Сырскі ўчора сказаў, што знішчана ў межах 100 тысяч расейскіх войскаў. Гэта каласальны паказчык з пункту гледжання кароткага перыяду часу”, - адзначае экспэрт. Пры гэтым дадае, што за кошт змен у падыходах да знішчэння супраціўніка са стаўкай на беспілотныя комплексы і часткова на артылерыю, дынаміка страт супраціўніка расце і колькасць бранятэхнікі істотна зменшылася ў штурмах, бо яе значная частка утылізаваная.

Згурэц мяркуе, што найбліжэйшым часам будзе зменшаная інтэнсіўнасць баявых дзеянняў на ўсёй працягласці лініі фронту, але супраціўнік, відаць, будзе шукаць новыя пункты канцэнтрацыі намаганняў. Паводле ягоных слоў, магчыма, цэнтрам залучэння для сіл супраціўніка на найбліжэйшы час будзе Канстанцінаўка ў Данецкай вобласці.