Саакашвілі прысудзілі да больш як 12 гадоў турмы

• 17.03.2025, 12:09

Вынесены новы прысуд экс-прэзідэнту Грузіі.

Экс-прэзідэнта Грузіі Міхаіла Саакашвілі суд прызнаў вінаватым у справе аб незаконным перасячэнні дзяржаўнай мяжы.

Пра гэта піша «Эхо Кавказа».

У панядзелак, 17 сакавіка, яму прызначылі пакаранне ў выглядзе чатырох гадоў і шасці месяцаў пазбаўлення свабоды.

Паколькі суды Грузіі ўжо прысудзілі экс-прэзідэнта краіны да дзевяці гадоў пазбаўлення волі, суддзя заявіў, што ў выніку ён правядзе ў зняволенні 12 гадоў і шэсць месяцаў.

«Гэтым прысудам [тэрмін у справе аб незаконным перасячэнні мяжы] часткова дадаецца да пакарання, прызначанага прысудам Тбіліскага гарадскога суда ад 12 сакавіка 2025 года [у «справе аб пінжаках»], – восем гадоў 2 гады і шэсць месяцаў», – заявіў суддзя.

Паводле гэтага прысуду Саакашвілі застанецца ў зняволенні да 1 красавіка 2034 года.