Ліянэль Мэсі ў эфектным стылі забіў дэбютны гол у сезоне МЛС
- 17.03.2025, 11:27
Зорны аргентынскі футбаліст перакінуў галкіпера.
Зорны форвард "Інтэр Маямі" Ліянэль Мэсі вызначыўся першым голам у новым сезоне МЛС (Вышэйшая ліга футбола), які стартаваў у ноч на 17 сакавіка.
37-гадовы аргенцінец забіў у выязным паядынку з "Атлантай Юнайтэд".
На 20-й хвіліне матча Мэсі адабраў мяч у футбаліста Атланты перад штрафной пляцоўкай гаспадароў, абвёў іншага гульца і перакінуў галкіпера.
У выніку "Інтэр Маямі" падолеў "Атланту" з лікам 2:1. Пераможны гол на 89-й хвіліне забіў форвард Фафа Піка.
У актыве Мэсі зараз адзін мяч і два асісты ў двух паядынках цяперашняга сезона МЛС.
"Інтэр Маямі" набраў 10 балаў у чатырох матчах і ўзначальвае турнірную табліцу Усходняй канферэнцыі.