Дроны атакавалі НПЗ у расійскім Дагестане

• 22.10.2025, 8:43

Паражаны завод у Махачкале ў 1700 кіламетрах ад Украіны.

Дроны атакавалі нафтаперапрацоўчы завод у расійскім Дагестане. Паражаны завод у Махачкале ў 1,7 тысячы кіламетраў ад Украіны.

Пра гэта паведамляе расійскае выданне ASTRA.

Канал публікуе відэа відавочцаў з ударам па НПЗ.

Паспяховы ўдар пацвердзіў кіраўнік расійскага рэгіёна Сяргей Мелікаў.

«Сёння на тэрыторыі Дагестана была здзейсненая атака варожых беспілотнікаў. Іх мэтай стала адно з прадпрыемстваў рэспублікі», — напісаў ён.

Паводле інфармацыі расійскіх СМІ, у аэрапорце Махачкалы спынілі прыём і адпраўленне рэйсаў. Аналагічныя меры ўводзілі ноччу яшчэ ў сямі аэрапортах Расіі: у Краснадары, Пензе, Пскове, Грозным, Уладзікаўказе, Калуге і Яраслаўлі.